كـل واحـد مـا يعيـش الا حياتـه
و لا وقف يومه مشى، و الدرب سالك
و لو يعَرْفِ ابن آدم بساعـة وفاتـه
كان ما قامـت و لا عِمـرتْ ممالـك
و (انت) إنسان(ن) بِلي في حب ذاتـه
لـو اتخَيَّـر بيـن موتـك أو عيالـك
كان قلت ابقى و غيـري لـه فواتـه
لو تعيش القرن مـعْ ربعـكْ و آلـك
ما حـد(ن) عَبَّـرْ عيالـه أو بناتـه
العمر غالـي، و لـو كـان امتهالـك
و لا حد(ن) يخشى عذِلْ و الا شماتـه
"خل لي فالي و لك يـا شيـخ فالـك"
الله ابخـص بـبـن آدم واهْفـواتـه
حكمـة الله بالغـة فـي كـل ذلــك
و لا وصل وقت الرحيل، اطلب ثباتـه
و الجواب الصّح اذا ما جـا سوالـك
كل عبـد(ن) عندهـا يلقـى سواتـه
كان خير بخيـرْ، وانْ شـرْ بمهالـك
فا اطلب الرحمه من اللـَّــه و نجاته
ف ماقف(ن) مافيه هذا لـي و ذا لـك
و السلام من الولـي يتبـع صلاتـه
خلهـا علـى النبـي آخـر مقـالـك