بتهجر قــــد ماتهجـــــــر

بتهجر قــــد ماتهجـــــــر

وترجع قلبــــي بيسامح

بحبك حــــب ماتقــــــــدَّر

وده من سهمك الجارح


عاهدتك إني اكون جمبك

وانت عاهدتني بحبـــــك

وبعد أيام بتهجـــــــــرني

دا ذنبـــي والا كان ذنبك


انا معرفــش أيــــه ذنبــــي

وكان هـــوه سبب غلبـــي

وخلاك تنســى بالمــــــرة

حكاية كتبتهـــــا بقلبــي


وعمري ماكنتش اتصـــور

حتيجي ف يوم وتتغيـــــر

لقيت قلبك صبـح قاســـي

وقلبــــي منه متحييــــــــر


بتهجــــــر ليه وتظلمني

ياريتك بس ترحمنــــي

دا ريحك من هوا الجنة

حرام تبعد وتحرمنـــــي


ياريتك قبل ماتبعـــــــــــد

تحاسب ع اللي بيحبــــك

ولا تفكر في يوم تعنــــــــد

في قلب تماللي بيـــــودك


أمانة ماتنسى أحبابــــــــك

بقالنا زمان على بابـــــــك

وانت عنـــــــا مش سائــل

ولا جاييــن علــــــى بالـك


أمانة اسمع صـــــدى صوتك

أمانة اسمــع لأنغامـــــــــــــك

دي روحي بعض من روحك

وانا مخلـــــــــــوق علشانك