جريمة في "الزلفي "

"
هذه القصة ضرب من الخيال ولا تمس الواقع.. المكان مستوحى من البيئة التى اعيش فيها واعشقها وهي البطلة في ما اكتب
"




الفصل الاول

في مدينة الرياض الصاخبة ..وبالتحديد في احدى مكاتب وزارة الداخليه المبنى الهرمي الجميل على طريق الملك فهد اجتمع الملازم سعد والملازم خالد وامامهما قضيه جنائيه تم اتخاذ قرار ان يكونا ضمن فريق التحقيق فيها تكلم خالد اولاً وقال :
- القضيه ..ذي متعبه وفيها مشوار وما راح نطلع بشي
- سعد: ولا معقده ولا شي ..انت بس ركز وخلنا نراقب التفاصيل واكيد بنوصل لشي ..ثانى شي مشوارنا ما راح يكون شي قدام مشوار رئيسنا ...
- خالد : الا على فكره متى بيجي ؟
- سعد : طيارته راح توصل من جده بعد ساعة ...فشد حيلك وخلنا نطلع نروح المطار بسرعة ..نستقبله وهات الملف معك نقراه في الطريق ..

خرجا في احد السيارات التابعه للوزارة حتى يتمكنا من تجاوز الزحمة اختلفا في أي الطرق اسهل وتم اختيار الدائري الشمالي ومنه الى المطار وماهى الا لحظات حتى كانا في صالة الاستقبال هنا سأل خالد
- انت ما كلمتنى كثير عن الريس ؟
وهو يتفحص وجوه القادمين قال له بدون ان يلتفت :
- وش تبي تعرف عنه ..
- كل شي ..رتبته وعرفت انه نقيب واسمه وعرفته من خطاب التعيين بس هذا الى اعرف ؟!
- انا اعرفه من شغلى معه في الحج وما كان احتكاكي به كثير زززبس اسمع انه كفوء
- موب غريبة يحضرون محقق من جده بدلا من محققين الرياض ؟!
- لا ..هذي تعطي فرصة للظباط انهم يشفون كل انماط الجريمة في كل انحاء البلاد ..انت تعرف ان لكل منطقة ظروفها ..وهي فرصة للتعلم ..هذا غير ان النقيب مساعد كفوء وما تمر عليه الاخطاء
- بنشوف ...
- يالله مشينا ..هذا هو وصل
ومن ضمن مجموعه كبيرة من القادمين ظهر النقيب مساعد باللباس العادي الثوب والشماغ حاملا شنطه في يده يبدو انها كل امتعته ..تقدم سعد ومد يده مسلماً ..
- ياهلا ومرحبا ..الرياض نورت
- ابتسم مساعد ورد التحيه وتعارف مع خالد واتجهوا الى السيارة ..هنا قال خالد :
- حجزنا لك في فندق قريب من الوزارة ..قاطعه النقيب مساعد
- الوزارة ...لالالا انا ابي اروح للديرة الى حصلت فيها الجريمة ...هنا وقف خالد منذهلا ..وقال سعد
- بس يا طويل العمر هذي بعيده وكنت اتوقع بندرس الجريمة اول في الرياض ..
- لالالا نطلع هناك ..وشي الديرة الى حصلت فيها الجريمة
- الزلفي ...قالها خالد ..وهو يضع حقيبة النقيب في السيارة وركب الثلاثة وانطلقوا هنا قال سعد
- كم بنجلس في الزلفي ؟
- الوقت الى تحتاجه القضيه ..جهزوا انفسكم ..لأنه مش معقول نراجع قضيه بعيدا عن مكانها ...انا كنت متوقع انكم هناك اصلا .
- .قال سعد :
- يا طويل العمر شرطة الزلفي غطت الموضوع ..و
- مسكوا الجانى ؟
- لا ...
- خلاص ..انتهينا قدامكم ساعتين انا اسلم على القياده وانتم تجهزون شنطة السفر ..الا على فكرة كم المسافة
- حوالي 250 ك ..
- ممتاز ..توكلنا على الله

النقيب وجدها فرصة في الوزارة للسلام واخذ التوصيات وسعد وخالد ذهبا لتجهيز انفسهم وتحضير شنط السفر ولم تنقطع الجوالات بينهما ..لتحديد ما يجب ان ياخذوه معهم ومن حسن حظهم انهم عزاب ..حركتهم اسهل ...وفي الموعد المحدد كانوا على طريق القصيم متجهين الى محافظة الزلفي ,,,
ركب النقيب في الامام والملازم سعد يقود وخالد مع الملفات في الخلف وهنا سأل النقيب وهو يقلب الاوراق
- عطونى القصة من اولها ...الاوراق غير منظمة ...هنا تكلم سعد
- القضية بدأت يوم الاثنين 12\11\1426هـ الساعة 8 في الليل وصل اتصال من بنت على طوارئ الزلفي تقول ان ابوها مقتول ..
- قالت "مقتول " ؟؟
- ايه ..بعدها انتقلت فرقة البحث الجنائي للموقع واتضح ان الشايب مقتول في المجلس الخارجي ..من التحقيقات عرفنا ان الشايب بعد صلاة المغرب دخل على بناته ..وقال ان معه ضيف وطلب الشاي والقهوة ...
- وبعدين ؟!
- اذن العشاء ..وصلوا هنا البنات استغربوا ان ابوهم ما دخل لهم القهوة ولا طلب منهم عشاء محدد للضيف ..مثل ما هم متعودين منه ..
- ما عنده اولاد ؟؟ سأل النقيب
- لا هم بس 3 بنات في سن الزواج ..والزوجة متوفيه من زمن ..
- كمل وبعدين ..
- وحده من البنات اقتربت من المجلس وبدات تحاول ان تسمع ..ما سمعت صوت غير التلفزيون ..اقتربت اكثر ..فأكثر حتى رات رجلين ابوها ..هنا اندفعت ورأت المشهد كامل ...ولا يوجد احد غير ابوها في المجلس ...
- طيب ما قالهم من الضيف ؟؟قريب ..بعيد ؟ من اهل الديرة ..من خارجها ؟
- لا.. هو دايم متعود يستقبل ضيوف في بيته ومن كل الاجناس ..ومالهم اقارب في الزلفي ..فقط خال في بريده ..
- انت تقول انه احضر الضيف بعد صلاة المغرب ...طال التحقيق جماعة المسجد
- تحقيق عادى ..والكل اجمع ان الرجل صلى وتسنن وطلع وما كان معه احد معين او غريب ..
- غريبة ...هنا مكتوب انه مطعون طعنه مباشره في القلب ...ما لقوا اداه الجريمة ؟!! ويرجح انها سكينة عمق الجرح 13 سم ..اكمل يقلب الصفحات ولم ترضيه النتائج ..التفت الى سعد وسأله
-باقي كثير على ما نوصل ..؟؟
- ساعة ..ونوصل ..ان شاء الله