شعر حب وغرام

وحق الله وعلي والهادي والصادق
غيرك لاتضن اهوى واصادق
اذا كلبك الي صافي وصادق
اني اعلك الروح ابابك هديه


وحق رب التعبده الناس واحد
حبيب الكلبك موش اثنين واحد
اذا للخوه ردت اختار واحد
اختارك الك وانسه البقيه

نار افراكم بلكلب ماجن
وعليكم زين عندي العقل ماجن
رسايلكم عجب للحين ماجن
السبب شنهو كطعتوهن عليه

احبك حب ماينوصف وصفه
وعيونك احلى من العسل وصفه
عليمن الدكتور يكتبلي وصفه
اذا نضرات عينك صيدليه


عليك تالي الروح ونت
لان برغي الكلب مفتوح ونت
ادور اعليك بلقاعات ونت
وينك ياحلو بس رد عليه


انشد الناس عنك ونته ماكو
عليه اهموم ياصاحبي مثله ماكو
اريد اسمع اعلومك شكو ماكو
واني الممنون من تسئل عليه